Патологиялык кызмат - бул медициналык мекемелердин дарылоо-диагностикалык ишинин сапатын жогорулатууга багытталган мекемелердин жана иш-чаралардын тутуму. Бардык адистиктеги дарыгерлер кесиптик ишмердүүлүгүн жүргүзүп жатканда, кайсы бир мезгилде патологиялык анатомия менен байланышта болушат. Демек, патологиялык кызматтын милдеттерин, патологанатомдун документациясын, патологанатомдун практикалык ишин уюштурууну жана мазмунун билүү, клиницист-дарыгердин жана патологоанатомдун биргелешкен ийгиликтүү иш-аракетинин ажырагыс шарты болуп саналат. Курстун негизги максаты - биопсияны, хирургиялык жана секциялык материалдардын клиникалык-анатомиялык анализдөө ыкмасын өздөштүрүү.