2023-жылдын 16-майында Кыргыз Республикасынын Билим берүү жана илим министрлиги Республикалык педагогикалык кызматкерлердин квалификациясын жогорулатуу жана кайра даярдоо институтунда Мамлекеттик тилди окутууда эл аралык университеттердин кызматташуусун өнүктүрүү максатында семинар уюштурду 

Семинарда 2021-2025-жылдарга мамлекеттик тилди өнүктүрүү программасын ишке ашыруу маселелери талкууланды.

Семинардын жүрүшүндө модераторлор катышуучуларды кыргыз тилин окутуунун заманбап ыкмалары менен тааныштырышты.

Иш-чарага Бишкектеги жана республиканын башка аймактарындагы эл аралык университеттердин окутуучулары катышып, мамлекеттик тилди өнүктүрүүгө кызыкдар экендиктерин билдиришкени мактоого татырлык.

Семинардын катышуучулары:

• ЭАЖММдин гуманитардык сабактар кафедрасынын башчысы Алымкулова Н.Н.
• ЭАЖММдин мамлекеттик тил бөлүмүнүн башчысы Заийыркулова Р.Ж.
• ЭАЖММдин гуманитардык сабактар кафедрасынын улук окутуучусу Кибраева М.А.
• ЭАЖММдин гуманитардык сабактар кафедрасынын улук окутуучусу Мукаш у. Т.

Гуманитардык сабактар кафедрасынын катышуусу кафедранын жана ЭАЖММде кыргыз тилинин өсүшүнө жана өздөштүрүлүшүнө көмөктөшүүдөгү умтулуусун көрсөтөт.

Жалпысынан бул семинар Билим берүү жана илим министрлигинин мамлекеттик тилди окутууда эл аралык университеттердин ортосундагы кызматташтыкты арттыруу жана Кыргыз Республикасында мамлекеттик тилди өнүктүрүү программасын ишке ашыруу боюнча жигердүү мамилесин көрсөтөт.