Патологиялык анатомия бир катар медициналык сабактардын катарында өзгөчө орунду ээлейт. Бир жагынан, патологиялык анатомия - бул медицинанын теориясы, ал оорунун материалдык субстратын ачып, түздөн-түз клиникалык практикага кызмат кылат: экинчи жагынан алып караганда бул диагностика үчүн клиникалык морфология, жалпы жана жеке адамдын патологиясы үчүн ал медицина теориясынын материалдык субстратын берет (Серов В.В., 1982). Патологиялык анатомия - анатомия, гистология, биология, патологиялык физиология менен тыгыз байланышта жана медициналык жогорку окуу жайларында табигый илимдердин бир нече тармактардын түйүнүндө маселелерди иштеп чыгууга, чечүүгө жөндөмдүү, жогорку квалификациялуу адисти даярдоодо окуу процессинин маанилүү бөлүгү болуп саналат.