“Саламаттык сактоонун баштапкы саясаты жана практикасы: жакшы натыйжаларга ишке ашыруу” конференциясы Астана Декларациясынын 5 жылдыгына жана Алмата Декларациясынын 45 жылдыгына карата чакырылган Европа Регионалдык комитетинин 73-сессиясынын расмий кошумча иш чарасы болуп саналат, Казакстан Республикасынын Өкмөтүнүн демилгеси менен Бүткүл дүйнөлүк саламаттыкты сактоо уюмунун Европалык аймактык бюросу жана ЮНИСЕФ менен биргеликте уюштурулат.

Конференциянын алдында, 20-сентябрда, талкуунун катышуучусу, медицина илимдеринин кандидаты, Эл аралык жогорку медициналык окуу жайынын педиатрия кафедрасынын доценти Нажмидинова Гульмира Ташалиевна менен конференциянын бекем техникалык базасын түзүү максатында модератордук үч сааттык виртуалдык тегерек столдордун конференциясы болуп өттү.

Конференциянын максаттары:

• 2018-жылдан баштап алгачкы медициналык жардам көрсөтүү боюнча Астана декларациясынын аткарылышын, анын ичинде COVID-19 пандемиясынын таасиринин жыйынтыгын чыгаруу жана конкреттүү жыйынтыктарды көрсөтүү;
• өлкөнүн тажрыйбасынын негизинде ишке ашыруу үчүн ийгиликтин факторлорун аныктоо аркылуу концепциялардан иш-аракеттерге көңүл буруу;
• баштапкы медициналык-санитардык жардамдын келечектеги трансформациясын жалпы саламаттыкты сактоо менен камтууга, өзгөчө кырдаалдарда туруктуулукту бекемдөөгө, ден соолукту жана бакубаттуулукту жакшыртууга мүмкүндүк берүүчү саясаттарды жана практикаларды аныктоо.

Конференция улуттук жана субулуттук денгээлде саламаттыкты сактоодо стратегиялык лидерликти камсыз кылуу, баштапкы медициналык-санитардык жардамды жана кызмат көрсөтүүнү трансформациялоону көздөйт. Мындан тышкары, саламаттык сактоо министрликтеринин баштапкы медициналык-санитардык жардамды уюштурууга техникалык жооптуу кызматкерлери, ошондой эле академиялык мекемелердин академиялык жана техникалык эксперттери, ошондой эле баштапкы медициналык-санитардык жардамды өнүктүрүүгө катышкан эл аралык жана өкмөттүк эмес уюмдар катышууга чакырылат